Roja Bregdetare e Türkiye-s shpëtoi jetën e migrantëve të parregullt në Detin Egje pasi ata u shtynë ilegalisht në anën turke nga forcat greke, tha sot Ministria e Mbrojtjes Kombëtare e vendit, transmeton Anadolu Agency (AA).

Një dron i marinës turke më 29 korrik regjistroi pamjet e forcave greke duke shtyrë dy varka që transportonin emigrantë të parregullt në brigjet rrethit Çeşme në provincën e Izmirit, tha ministria në një postim në Twitter.

Situata u raportua menjëherë në Komandën e Rojës Bregdetare Turke dhe migrantët u shpëtuan, shtoi Ministria.

Ankaraja dhe grupet ndërkombëtare të të drejtave të njeriut kanë dënuar në mënyrë të përsëritur praktikën e paligjshme të Greqisë të largimit të azilkërkuesve, duke thënë se ajo shkel vlerat humanitare dhe ligjin ndërkombëtar duke rrezikuar jetën e njerëzve të cenueshëm, duke përfshirë gratë dhe fëmijët.

Türkiye ka qenë një pikë kyçe tranziti për migrantët e parregullt që duan të kalojnë në Evropë për të filluar jetë të re, veçanërisht ata që ikin nga lufta dhe persekutimi në vendet e tyre.

Türkiye tashmë strehon 4 milionë refugjatë, më shumë se çdo vend tjetër në botë.